بنات الجامعة ...................

بنات الجامعة
....................
1- أنا وماما زي الصاحبات ، دايماً بحكيلها كل شي!!

ماما بتعرف عنك كل إشي شغل عرط و بس طبعا


2- كلهم شقر وعينيهم‎ ‎لينسيز ملونة يخزي العين

بتسألها؟؟؟ بتحكيلك شو لينسيز!!! هدول عيوني
الحئيئيين!!!!!!


3 - كلهم ببعتولك المسج التالي : اتصل فيي ما معي رصيد ، و عندي
امتحان مش آدره أروح أشتري بطائة...

4 - لو سألتها عن أحلى سنين بحياتها رح تحكيلك : ما بين 19 و 23
>> >>و بتشرحلك كيف كانت حلوة و مجننة شباب الجامعة وكيف كلهم بركضوا
وراها
و هي ما كانت تعبرهم!!!


5 - الشاطرة اللي بدها تئهر صاحباتها...بترن على 111 وبتنزل عرط و
تخويت

و على آآ حبيبي و شو حياتي و i miss u يا عمري و بشوفك يا baby

6- كلهم أخدوا رخصة السوائة
بالواسطة .... و أكيد هذا واضح من البريكات الخبط أو السرعة اللي ما بتطلع عن 20 أو حزام الأمان اللي كاتم نفسها على أد ما هو مشدود...

7- بالجامعة بتطلب ساندويشة لبنه دايماً لبنه!! و إذا بدها تغير
بتطلب منئوشة زعتر ، و الكولا دايت طبعا بس ترجع على البيت بتقوم بصدر المنسف لحالها ، والله بوكلونا على جوع !!!


8 - إذا حاولت تمسك إيدها بعد شهرين صحبة بتسلخك كف بتعمي ضوك ، ومش
بعيد تبزء عليك قدام كل الجامعة ، بس إذا لقيتها "صدفة" بعرس ابن خالة عم أمها ، بتضلكوا على البست للصبح ، وبتشبكوا على الدبكة وأعطيني هوارة أبو الحلاني .....ورووووح...للصبح رقص سلوووو على أساس
فريندز طبعا!!


9 - كلهم بابا بحبهم أكتر وحدة بين إخوانها .... وهي وبابا زي الصحاب و
بابا بوخد رأيها بكل شي ..... وبالحئيئة لما بتشووف بابا بتروح تعمل شاي على السكت


10 - أكتر شي بكرهوا يشوفوك بتحضر مباراة ، بمعنى آخر أكتر شي بكرهوا كرة القدم ، إلا إذا المباراة فيها إيطاليا أو إنجلترا بتلاقيهم جابوو كيس فشاار وأعدوا وفتحوو عنيهم و بسطوا يبصبصوا على إجرين مالديني و بيكهام


11 - مريحين بالهم و تنحصر اهتماماتهم في المواضيع التالية :
روجيم : لازم أنزل كمان خمسين كيلو!!

حومرة وبودرة : نزلوا حومرة جديدة بطعم البتيخ
الشعر : (أووولتك أسشور شعري ولا أعمله كيرلي)


الأكل : ماما طبخت جاجة محشية تفاح!! و ما بيتغدوا غير ستيك مشوي

ما بشربوا غير كولا خالية من السكر !!

الفن : ما أزكاه brad pitt ، رايان شعرو بجنن ، شفتي أصالة ما
أزن**ا!! مش ألتلك انو بشار بحب سلمى ، شفتي سندل نانسي!! حلق هيفا
بيجنن!! أحمد الشريف أحلى واحد بالعالم!! لون بشرة اليسا
واااااااو

حضرتي كليب جاد شويري ما أفيعوا؟
بيعئد!!
مو معئولة هالشاكيرا!!! ولا روبي !!


13 - كلهم ما بدخنوا ...بس بابا سمحلهم يأرجلوا عادي!!!!! قال يعني
الأرجيلة غير


14- عندهم حالة تشابه غريبة : إذا واحدة عملت تاتو تاني يوم كل
البنات تاتو ، إذا واحدة حطت خلخال تاني يوم كل البنات خلخال ، إذا وحده
صبغت شعرها أخضر تاني يوم بتنزلك موضة الأخضر!!!!!!!!!!! إزة وحدة إنكسرت

أيدها تاني يوم بتنكسر أيدهم بالصدفة!!


14- كل دقيقة بترش بيرفيوم عشان وهي ماشية يشموها كل شباب الجامعة


وعلبة البيرفيوم بالكتيرة بتصمد معها أسبوع ، بس بالبيت ريحتها طبيخ!!


15 - بتشوفها بالجامعة ملكة جمال طبعاًً من قناع الميك أب اللي
>>عملتو
قبل ما تطلع من البيت وإزة رحت عليها بالبيت ما بتعرفها لأنها أول
ماتوصل البيت بتغسل وجهها من لطراشة عشان تريحو وتهيئو لتاني
يوم!!

16- مواصفات حبيب القلب:
فايع و شعرو طويل ، معو سيارة حلوة ، موبايلو آخر موديل ، يعزمها كل
يوم ع كوفي شوب ، وإذا بشبه توم كروز بكون ممتاز وكتير منييح....


17- إزة شافت على بلوزتها نملة أو على شعرها بيغمى عليها وهيا مع حبيبها !! عاد النملة
وفي البيت بتفغص صراااصير وبيجووز بتركض وراهم


18- بتكون أدفش من كلامها ما في .. وكلو قال وغاد و انداري و بديش و
متقلعطة وهيييي يامسخمطة وحمرة تمزعك الخ .. !!! بالجامعة بتقلب آآل وهوناك و مو عارفة ومابدي و ..thank u‏ و كتييير زهئانة وسوفاج!!


19- دايماً شنتتهم مليانة أشياء زاكية ، إذا جعت بتلاقي معاهم
السيفوي بالشنتة
شبس ، شوكلاتة ، بسلي ، بسكوت ، دروبس ، علكة ،
>>سوس....الخ


بتوصل على البيت بترجعهم على التلاجة